General Santos City—dead on arrival na sa Mindanao Medical Center ang usa ka gwardya nga gipusil sa wala pa mailhing suspetsado sa highway nga bahin sakop a Purok Palen, Barangay Labangal, Gensan.
Giila ang biktima nga si Amiroddin Tondog, 36, residenti sa Barangay Baluntay, Alabel, Sarangani Province. Alas 9:00 ang takna sa buntag dihang kini gipusil sa suspek samtang nagmaneho sa iyang motorsiklo padulong sa sentrong bahin ning syudad.
Gitaparan kini sa duha ka mga suspek nga nakamotorsiklo, ang back rider maoy nipusil sa biktima dayon sibat padulong sa sentrong bahin sa dakban. Samtang daling gidala sa Mindanao Medical Center ang biktima apan gideklara kining dead on arrival sa iyang attending physician.
Nasayran nga samad sa liog, ilok ug sa tiyan ang naangkon sa biktima. padayon pa ang gihimong imbistigasyon sa Police Station 2 kalabutan sa insidenti.
