General Santos City–Notado nang namaligya ug iligal nga droga ang batan-ong nasikop sa tropa sa Police Station 5 nga si Ramer Mallo, 25 anyos, nga residenti sa Purok Saeg,Barangay Calumpang, Gensan niadtong nakalabayng gabie.
Kini ang gikumperma ni Police Chief Inspector Basher Alindo, Hepe sa Tambler PNP.
Una nang nasikop alas 7:00 sa gabie ang suspek atol sa gikasang buybust operation diin napalitan ug usa ka sachet sa gituohang shabu ang suspek gamit ang P500.00 nga marked Money samay purok Saeg, Barangay Calumpang.
Dugang pagbutyag ni Police Chief Inspector Basher Alindo nga gawas sa kalambigitan sa suspek sa iligal nga droga, lambigit sab kini sa Robbery ug pipila ka kaso sa rumble sa pipila ka barangay sa Gensan.
Nasayran nga dugay nang migawas ang pangalan sa suspek nga matud pa responsabli sa pipila ka kasong tulis sa dakbayan.
Tungod niini nanawagan si Alindo sa mga nabiktima sa suspek nga mupatim-aw sa ilang buhatan aron nga mapasakaan ug dugang kaso ang suspetsado.
