General Santos City—Kasong kalapasan sa RA 10591 (Comprehensive law on firearms and ammunition) ang atubangon sa usa ka aktibong CAFGU nga si Felix Martin Arangat Jr. Alias “Daot”, 48, nga taga New Pearly Shell, Barangay Mabuhay ning syudad sa Gensan human nga nakuhaan ug armas ug mga bala ang balay sa suspek atol sa gihimong ronda sa kapulisan kagahapong adlawa.
Narekober sa balay sa suspek ang usa ka unit sa M16 riffle, (4) ka magazine, (2) ka cal. 45 nga pusil ingon man (2) ka Steel magazine ug mga buhing bala.
Nasayran nga gisulod sa kapulisan ang balay sa suspek pinasikad sa search warrant gumikan sa report nga duna kini gihuptang mga armas nga dili lesensyado.
Sa karon balhog na sa silda sa Police Station 4 ang nasangpit nga Cafgu samtang ginaandam na sa kapulisan ang kasong posibling ipasang-at batok kaniya.
