General Santos City–Hugot nga gipanghimakak sa usa ka Themis Tocles, 57, ug nanimuyo sa Zone 9, Barangay Bula, Gensan ang aligasyon kaniya batok sa pamilya sa usa ka 31 anyos nga may deperensya sa pangutok nga gilugos niini ang nasangpit nga biktima niadtong milabay nga simana sa kasagbutang bahin sa barangay bula alas 3:00 pasado ang takna sa hapon.
Sumala pa sa suspect nga wala matud pay kamatuoran ang maong aligasyon ug napasanginlan lang matud pa kini sa uyuan sa nasangpit nga biktima tungod kay nakita siya sa maong lugar kauban ang biktima nga walay sanina.
Pagbutyag ni Tocles nga nangita lang matud pa siya sa iyang manok nga nakadagan sa maong lugar sa maong higayon sa dihang nakita niini ang biktima sa maong lugar nga naghigda ug walay sapot hinungdan nga iyahang gipatindog ug gipa-ilis apan kalit matud pa niabot ang uyuan sa babae ug didto gipasanginlan siya nga nanglugos.
Kung kahinumduman nga buluntaryo usab nga mitahan sa iyang kaugaling ang suspect human ang maong panghitabo sa kagawad sa barangay ug niadtong milabay nga adlaw pormal na kining na pasakaan ug kasong pag panglugos.
Nasayran nga ang nasangpit kanhi usab nga napreso sa syudad sa Leyte sa susama gihapong kaso ug nakagawas lang pipila ka tuig ang milabay. (Dave Silagan)
