Gereral Santos City—malampson nang nasikop sa operatiba sa Police Station 7 sa pagpanguna ni Police Sr, Inspector Fernando Manuel ang mga suspek sa brutal nga pagpatay ug paglubong sa langyaw nga si Frank Cruz, legal age, nga taga nasud Guam ug kasamtangang nagpuyo sa Gensan. Nasayran nga human giangkon sa dinakpan sa Police Station 7 nga si Lito Sumod-ong nga taga MC Vill., Barangay Fatima nga duna silay gilubong sa tugkaran sa usa ka abandonadong balay sa lugar, gilayon nga naghimo ug follow-up operation ang kapulisan. Nasikop sa Alabel, Sarangani Province ang mag-amahang si Weng Borja, legal age, ug Herly Borja, legal age. Apil nga nadakpan ang upat ka mga minor de edad nga lambigit sab sa maong krimen. Una nang gikanta sa suspek nga si Lito ang iyang mga kaubanan kansa milubong kang Cruz sa lugar. Nasayran nga ayha gipatay, gituohang gipakwartahan una ug maayo sa mga suspek ang biktima. Sa karon ang mga suspek balhog na sa silda sa Police Station 7 samtang gikatakda na silang kasuhan sa kapulisan. Read More: rmn.ph/ rmn.ph/dxmd927gensan/
