General Santos City–Gikumperma ni Police Chief Inspector Alex Joe Orcajada Hepe sa Polomolok Municipal Police Station nga duna na silay suspek sa pagpamusil sa duha ka mga biktima nga nahitabo sa Purok 1-A Brgy Landan, Polomolok, South Cotabato, kagahapong adlawa.
Nasayran nga gipusil sa wala nganling mga suspek silang si Don Carl Damasco, 40 anyos, ug Jerry Congan, 53 anyos, pulos residenti sa Polomolok, South Cotabato.
Gibutyag ni PCI Alex Joe Orcajada nga sa kasamtangan duna na silay pangalan sa mga suspek apan dili pa niya mabutyag gumikan nagpadayon pa ang ilang gihimong imbistigasyon.
Dugang pagbutyag ni Police Chief Inspector Alex Joe Orcajada nga base sa ilang gihimong imbistigasyon ngadto sa mga biktima, away sa lupa ang gitudlo nilang hinungdan sa pagpamusil sa mga suspek ngadto kanila.
