Food delivery drivers sa Bacolod halos tunga ang opinyon sa plano nga ipaidalom sila sa surveillance testing

30

Halos tunga ang opinyon sang mga food delivery drivers sa Bacolod sa ginaplano nga ipaidalom ang mga ini sa surveillance testing sa coronavirus disease.

Nagaplano karun si Executive Assistant Ernie Pineda nga irekomendar sa Emergency Operations Center (EOC) ang pagpaidalom sa surveillance testing sang mga food delivery drivers sa Bacolod.


Magasapol man si Pineda sa mga tag-iya ukon officers-in-charge sang nagkalain-lain nga food deliveries para diskusyunan ang plano.

Sa lima ka mga Grab drivers nga na-interview sang DYHB News Team, tatlo sa ila ang indi pabor sa surveillance testing apang kun himuon nga mandatory, magasunod naman sila.

Samtang may duha nga pabor sa testing bangud para sa ila mas maayo nga mahibaluan man nila ang ila status. Una na nga gin-swab test ang 1,665 ka mga market vendors sa ciudad sa diin 25 sa ila ang nag-positibo sa COVID-19.

[image: image.png]




Facebook Comments