Kung lamaw na gani ang hisgotan, ang pinakauna nga masud sa imong huna-huna kay lamaw nga subra nga sud-an nga naay sagol kan-on o lainamaw nga prutas. Pero lahi ni atong hisgotan ron, mga idol. Nakadungog na ba mo anang malamian kaayo nga Lamaw sa Guadalupe? Kung wa pa, akong e-share ninyo ang akong nahibaw-an kabahin niini.
UNSA NI NGA LAMAW?
Daghan nang mga tao ang naghisgot bahin aning Lamaw sa Guadalupe. Nakuryoso ko abi nako’g unsa nga klase sa lamaw kay nisikat naman ni siya karon. Lamaw diay nga murag saksak sinagol nga pagkaon.
SAGOL NIINI
Ang naa niini kay 1 cup of rice, 1 ka boiled egg, 2 ka siomai, chicharon, chili sauce toppings ug ilang special sauce nga maoy makapadala ug lami sa lamaw. Sulit pa gyud kaayo ang inyong pagpalit kay gawas nga lami kini, barato pa gyud.
TAGPILA MAN?
Mapalit lang ni sa kantidad nga 50 pesos. Bukas ni sila matag 8:30 am – 5:00 pm. Dali ra pa gyud ni siya matoltolan kay naa raman ni siya dapit sa simbahan sa Guadalupe dapit sa may Angel’s burger. Suwayi gyud dayon ni ninyo mga idol kay di gyud mo magmahay tungod sa kalami niini. Kitakits ta ninyo didto! Kay mura’g gigutom ko gahuna-huna sa lamaw sa Guadalupe da! Hahaha.
Sa sunod napud natong topic mga idol kabahin ra gihapon sa mga malamiang pagkaon kay syempre, hingaon sad baya kay ta! Wa nay uso ang diet ron. Hahahaha. Kini gihapon ang inyong Maria Pikat alang sa atoang food info every Monday — FOOD NA PUD! Ciao for now!
