Ingon sila nga kung mapakyas kuno ka sa gugma, wa nay laing makapanindot sa imong mood kung dili, pagkaon ra. Dili na ka angay maguol, idol! Aduna ko’y healthy food tips nga makapahappy nimo bisan og nasakitan o gibinuangan na ka. Mohealthy na ka, mosexy pa gyud ka! For sure, magmahay gyud si ex or imong crush nganong gisayangan ka nila.
Here is the list of the HAPPY FOODS PARA SA MGA PAKYAS SA GUGMA:
RED WINE
Daghan ang nagsulti nga maayo ang wine para sa heart ug base sa mga experts, tinuod ni siya. Nindot imnon ang wine kay dili siya pariha sa uban nga mga imnonon nga makamaoy. Samot nimo nga mahinumdoman si ex. Aguy! Pero ang red wine, makahatag ni siya og long-term nga happiness ug makagamay pa gyud ni siya sa risgo sa depresyon nga imong bation. Healthy pa gyud kay mahimo nga mogamay ang imong belly fat! Basta hinay-hinay lang jud ta sap ag-inom ha? TAGAY!
EGGS
Para sad sa katong mga nagdiet pero ganahan nga mokaon og mabusog dayon, perfect kaayo ang itlog para ninyo. Ang nakanindot man gud sa itlog, rich in protein siya, makapa-energized pa gyud siya. Malipay gyud kang mobuhat sa mga butang kay energetic man kaayo ka.
DARK CHOCOLATE
Kinsa man ang mobalibad kung chocolates na ang hisgotan, diba? Bisan ug si kinsa, mabata man o matigulang, mahiligon gyud ug chocolates. Pero mas nindot nga mga benefits imong makuha kung dark chocolates imong kan-on. Gawas nga di siya pariha sa ordinary nga chocolate nga makapatambok, mao ni siya ang gamiton sa mga nagdiet nga gusto’ng mokaon ug chocolate. Malipay pa ka kay di ka motambok ug maayo, monindot pa gyud imong mood!
CRAB
Sa katong mga nag-antos sa depresyon, mao ni ang perfect food para nimo. Aside sa lami gyud siya, taas pa gyud siya ug iron nga maoy motabang nimo nga makalingkawas kas imong bad mood anang adlawa.
BANANA
Sa mga gustong mokaon ug tam-is pero healthy gihapon ug dili bawal sa mga tao nga nay diabetes, ang saging maoy sakto nga solusyon para nimo. Tam-is man tuod ni siya pero dili ni siya taas ug sugar nga klase sa prutas. Daghan og matabang ang saging ilabi na sa mga tao nga nagkinahanglan ug rich in potassium nga mga klase sa pagkaon sa ilang lawas. Ingon sa mga expert, ang kaning mga rich in potassium nga pagkaon, makatabang ni sa pagreduce sa sintomas sa depresyon ug stress.
CHICKEN
Usa sa pinakapaborito sa atong mga bagets, ilabi na sa mga idol nato nga gusto nga magpafit ug magpadako sa ilang mga muscles. Dili lang kay rich in protein ni siya nga klase sa pagkaon, usa pud ni siya sa makatabang nga motaas ang imong self-esteem ug makapagamay sa risgo sa depresyon.
AVOCADO
Daghan ka nga makuha nga benefits kung mokaon ka ug avocado. Dili lang kay healthy fats, kun dili makapamay pa gyud ni siya sa sintomas sa anxiety. Depende nimo ug unsa ang gusto nimong buhaton sa avocado. Lamawon ba ron nimo o imong kilawon. Bisan unsa’y imong gusto, basta mopatik lang sa imong panlasa.
COFFEE
Wala’y makalabaw kung kape na gani ang hisgotan. Mao ni ang pinakanindot imnon labi na’g sa buntag. Bisan ako, dili makompleto akong adlaw kung dili ko makainom sa akong kape. Makapawagtang pa gyud kini sa sintomas sa depresyon ug anxiety. Mao nang ako, magpangita gyud ko og kape matag buntag para monindot ang dagan sa akong adlaw, ilabi na’g parisan og pandesal. Aguy, kaperfect ba!
ORANGES
Usa sa mga prutas nga nindot ka og benefit nga makuha. Tungod kay makahatag ni nimo og Vitamin C nga maoy makatabang nga mogamay ang mga sintomas sa depresyon. Base sa mga expert, ang mga citrus fruits maoy usa sa mga prutas nga makapamaayo sa imong systema tungod kay pagamyon niini ang risgo sa depresyon.
LEMON
Sama sa orange, rich in Vitamin C pud ni siya tungod kay usa man pud ni siya sa klase sa mga citrus fruits. Bisag makapangislo ka gamay tungod sa ka-aslom, apan di kini makapawagtang sa rason nga usa ni siya sa makatabang kanimo nga mahilayo sa risgo sa anxiety ug depresyon. Matud pa sa panultihon, “When life gives you lemons, make lemonade”.
Mao kadto ang mga healthy foods nga makapalipay sa imong kasing-kasing nga nikanta ug ARAY! Kay matod pa sa among ipahinumdom kaninyo permi ni boyki nga, “BAHALA’G WAY UYAB BASTA NAA LAY MALUNG-AG. KAY UNSAON MANA NIMONG SIGE KAG LABLAB, KUNG WA NA KAY MAHABHAB!” Maong kaon lang gyud ta mga idol! Pero syempre, kinahanglan always healthy.
Mao kini inyong ubos nga alagad, inyong inday nga si Dj Maria Pikat! Atang-atangi ang sunod nasad natong mga food tips sa sunod semana, idol! Ciao for now. Source: www.e atthis.com. Photos gikan sa web.
