Davao City – Angol ang duha ka mga driver human gitabangan og bunal gamit ang botilya atol sa nahitabong riot sa batan-on didto sa Purok 6, Brgy 76-A syudad sa Davao.
Base sa report gikan sa San Pedro Pnp ang duha ka mga biktima mao sila Roland San Gabriel, 31 anyos ug Ronnie Barcena Jr., 19 anyos parehong residente sa nasangpit nga lugar samtang ang suspek nga naaresto sa mga police mao si Larry Jay Salada, estudyante nga nakapuyo sa Trading Boulevard ning dakbayan.
Sumala pa ala 1:30 sa kaadlawon samtang ang duha ka biktima nagpaabot og mga pasahero sa maong lugar dunay nagriot nga duha ka grupo sa batan-on ug natripan ang maong mga driver diin gipangbunalan kini rason sa naangkong samad sa agtang ug uban pang parte sa kalawasan niini.
Human sa hitabo abtik nga nisibat ang suspek apan gigukod kini sa mga police ug usa niini ang gi-priso.
Ang duha ka mga biktima pursegido nga mupasaka og kaso batok sa suspetsado.
RadyoMan Don Pulayao
