BACOLOD CITY – Natiruhan ang isa ka Israeli National matapos nga ginhold-up ang coffee shop nga iya sini ginapanag-iyahan sa CL Montelibano Drive, Brgy. Villamonte diri sa Bacolod pasado las 10 kagab-i.
Nakilala ang biktima nga si Shmuel Haimovitch, 60 anyos ang edad, kasado kag tag-iya sang Tito Sam’s Place, Mediterranean Food Café and Snack Bar nga nahamtang sa amo nga lugar.
Base sa imbestigasyon sang Police Station 4, ginsiling sang biktima nga may duha ka suspek nga riding in tandem nga nagsulod sa iya shop kag hinali na lamang nga nagpang agaw sang bag sang iya mga babayi nga customer.
Bangud sini, ginkumprontar sang amo nga Israeli ang mga suspek gani ini siya ang gintiro kay naigo sa idalum nga bahin sang iya hawak.
Natigayon nga makuha sang mga suspek ang kapin 7,500 pesos nga cash kag isa ka cellphone antes ini sila nga nagpalagyo./dyHB BACOLOD
