Wa gitago sa kagamhanan sa dakbayan sa Mandaue ang pinirmahay tali sa kagamhanan ug sa San Miguel Corporation alang sa pagdevelop sa foreshore area diha sa barangay Looc sa maong syudad .
Tubag kini ni Mandaue City Vice Mayor Carlo Pontico Fortuna human usa ka nagpailang residente sa Mandaue ang nikuwestyon kung wa ba madisbentahai ang syudad sa pagpakigsabot niini ug 25 ka tuig ngadto sa SMC aron idevelop ang lugar sa bayad nga P.75 sentabos ang matag per square meter .
Matud ni Fortuna di angay nga ikomparar ang foreshore lease agreement sa syudad ug sa SMC ngadto sa nahitabo sa Katumanan Hardware Inc kabahin sa isyu sa Big Hotel tungod kay gitukod ang building sa luna nga gidevelop nang daan sa Mandaue Reclamation Area.
Samtang sa kabahin sa SMC sila ang modevelop sa dagat o tubigan nga bahin aron katukuran ug planta .
Niagi usab kini ug saktong proseso ug aprubado sa konseho sa syudad ug naghatag ug pagtugot ni Mayor Luigi Quisumbing sa pagoirma ug kasabutan.
Ang signing sa kasabutan gitambungan mismo sa tag-iya sa SMC nga si Ramon Ang .
Dugang ni Fortuna ang planta nga tukuron sa SMC maghatag ug dugang trabaho sa syudad.
