Nakahunahuna ba ka og pagsugod og negosyo? Nakahunahuna ba ka og franchising? Naay tulo ka butang na kinahanglan nimung masayran kabahin sa franchising. Mao ni ang pipila sa mga facts nga kinahanglan nimung mahibaw-an.
PILA ANG GASTO?
Depende sa franchise nga imong mapili, ang pagsugod og gamay na franchise na negosyo pareha sa food carts mu-kantidad og 30,000 pesos ang iyang minimum ug ang mga dako na negosyo bahin pagkaon sama sa Jollibee makagasto ka gikan 35 hangtud 55 milyones pesos. Ang international franchise sama sa Krispy Kreme mu-kantidad sugod sa 14 hangtud 97 milyones pesos. Kinahanglan i-andam imong pitaka kay dili ni basta basta.
ASA ANG LOCATION SA IMONG GI-FRANCHISE?
Ang pinaka maayong lugar para sa imong franchise kay importante aron makakuha ka og daghang customers. Ang location usa sa mga keys para nga mulambo imong negosyo. Kinahanglan kang mupaduol sa imong target market. Ang pagpangita og pinakamaayong lugar kinahanglan muagi og feasibility study o market research. Ayaw pagbasta-basta lang og pili nga walay research. Pwede sad ka magpakitabang sa imong franchiser.
UNSAON PAGPORMA SA IMONG NA-FRANCHISE?
Magsugod sa pirmahanay sa Franchise Agreement. Siguradoa nga nasabtan nimu ang agreement ug legit ang tanan nga documents ug mga proseso. Sunod ana, mo hire ka og architect ug contractors, mopalit ka sa mga dekalidad nga produkto ug sagol, mu train ka sa imong mga empleyado o staff ug ang pagadvertise sa imong franchise.
So mao ni mga idol. Di lang ka kutob sa pag-possess sa saktong money capital peru daghan ka nga i-consider sama sa namention nga location ug research. Mas maayo pud nga ang imong i-franchise kay proven nga maka-revenue gyud ka.
And lastly, kinahanglan magsige ka og research aron masayod ka og maayo kabahin sa franchising. Reading a lot of books o mga successful stories kabahin niini kay makatabang gyud. And also, kung maka-sugod naka, make sure nga imong ibutang imong kasingkasing ug presence sa imong negosyo. Good luck!
(Written by Chiara Lozada, BA Mass Communication – STC student and iFM Cebu Intern; Photos from the web)
