Ugma nang adlawa ipahigayon sa kagamhanang probinsyal sa Kapitolyo ang Free Legal Aid.
Ang maong kalihokan sa Provincial Government nagdala sa temang “Libreng serbisyong legal, itanyag sa tanan. Lig-on nga baruganan ug katarungan, makab-ot sa katawhan.”
Kini ipahigayon sa Provincial Capitol Grounds ugmang adlawa sugod sa alas otso sa buntag ngadto na sa alas-5:00 sa hapon.
Gikabutyag nga 25-30 ka mga batan-ong abogado ug law students gikan sa nagkalain laing field of expertise sama sa employment, immigration, criminal, tax, contract lawyers ug uban pa ang motubag sa mga nagkadaiyang pangutana.
Samtang….
Lakip usab sa tabangan ang mga tawong mangayog legal advices ug preparasyon sa nagkalain laing klase sa affidavits.
Giklaro usab ni provincial legal department head, Atty. Cerillo Neil Pacana, nga walay labot sa ilang libreng serbisyong legal ang pag-andam sa deed of sale.
Matud ni Governor Bambi Emano, nga iyang gi-commend ang maayong lakang sa P-L-O busa malipayon kini sa inisyatiba ni Atty. Pacana.
Dugang pa sa gobernador, nga ang libreng serbisyong legal sa kapitolyo ang kabahin sa intervention sa social protection sa Misamis Oriental.
By: Radyoman Aiza Enloran and Radyoman Ellah Baculio
