Frontliners sa Bacolod natalana ipa swab test kun magbukas na ang Bio Lab sa Regional Hospital

15

Amat-amatan na sang city government sang Bacolod nga ipa-swab test ang mga frontliners sini sa tion nga magbukas na ang Corazon Locsin Montelibano Memorial Regional Hospital (CLMMRH) Level 3 Biosafety Molecular Laboratory.Nahibaluan nga ginaluman nga maga-operate na ang biosafety laboratory sa Hulyo 10.

Sa interview sang DYHB kay Vice Mayor El Cid Familiaran, chairman sang Inter-Agency Task Force, ginpahayag sini nga kun magbukas na ang laboratory, iga-schedule na nila ang frontliners nga ipa-swab test lakip na ang mga personnel sang Bacolod City Police Office (BCPO) apang sa karun prayoridad gid ang mga locally-stranded inviduals kag OFWs.


Ginalauman naman nga makakinot ang city government sa gasto sini sa mga quarantine facilities kun mag-operate na ang laboratory bangud sang madasig nga paguwa sang mga test results. Suno kay Familiaran, tatlo lang ka oras ang hulaton sa paguwa sang test results gani gilayon maabisuhan ang City Health Office kag makuha sa quarantine facilities ang mga positibo kag mapauli naman ang mga nag-negative kag sa ila balay tapuson ang quarantine, gani makikinot ang ciudad sa gasto sa pasilidad.

[image: image.png]

Facebook Comments