Gipatas-an na sa mga mamaligyaay og bulak sa Cagayan de Oro ang presyo sa ilang mga bulak.
Kini ang nasayran sa dxCC-RMN gikan sa usa ka tindera sa bulak nga si Grea Pagaran.
Matud ni Pagaran nga sugod niadtong Dominggo ila nang gipatas-an ang presyo sa bulak human mitaas usab ang ilang palit gikan sa mga suppliers.
Nasayran nga ang mga bulak nga gibaligya duol sa Saint Augustine Metropolitan Cathedral ning syudad gikan pa sa Claveria, Misamis Oriental, Bukidnon, Bohol ug Manila.
Gidugang ni Pagaran nga posibling sa Nobyembre 3 pa mobalik og ubos ang presyo sa ilang mga bulak.
By: RadyoMaN Annaliza Amontos-Reyes
Facebook Comments
