BACOLOD CITY – Nagalaum naman ang mga negosyante sang palupok sa syudad sang Bacolod sang maayo nga tiempo tubtob sa Disyembre 31 agud nga indi naman ma-apektuhan ang ila pangabuhi-an.
Suno sa presidente sang Bacolod Fireworks and Pyrotechnics Association – Alan Pacheco nga kada tuig naga-gamay ang nagabakal sang palupok sa diin mas ma-apektuhan sila sa ti-on nga magla-in ang panahon ukon mag-sige sang inulan.
Nagapawagan man si Pacheco sa otoridad nga pang-dakpon ang mga illegal nga nagabaligya sang palupok kag pasirit sa downtown area bangud nga unfair naman sa ila nga nagkuha sang permit kag nag-comply sa estrikot nga requirements sang BFP kag PNP.
Nahibalu-an nga ang selling area sang mga palupok kag pyrotechnics sa Bacolod ang yara sa reclamation area malapit sa Pope John Paul Tower./dyHB BACOLOD
