BACOLOD CITY – Ginhold-up sang tatlo ka mga suspek ang isa ka branch sang Angel’s Burger sini gid lamang nga kaagahon sa Brgy. Singcang Airport, Bacolod City.
Nakilala ang nagabantay sa amo nga balaligyaan nga si Hydie Alisin, 27 anyos, residente sang Brgy. Taloc, Bago City.
Suno kay Alisin nga may mga las 3 sini gid lamang nga kaagahon, may tatlo ka mga lalaki sakay sang isa ka “skeleton” kag wala sang plate number nga motorsiklo ang nagdulog sa amo nga bala-ligyaan.
Isa sa mga suspek ang nagpanaug sa motor kag nag-order sang duha ka set sang hamburger kag sang iya nakita nga wala sang iban nga tawo, diri na kag nag declare ini sang hold-up.
Ginpahayag sang biktima nga gintayaan siya sang pusil sang suspek kag nagsiling nga ihatag ang kwarta bangud kon indi, ini siya ang patyon.
Bangud sini, napilitan ang biktima ang ihatag ang iya koleksyon nga kapin sa P600 pesos nga cash, samtang, gilayon naman nga nagpalagyo ang mga suspek.
