Roxas, ZDN-Padayon pa nga nagpaalim sa samad ang biktima human kini nakaangkon ug samad tinigbasan sa iyang silingan, nahitabo kini didto sa may Sitio Malubog, Banbanan , sakop sa lungsod sa Roxas, ZDN. Nahitabo kini mga 7:10PM sa miaging byernes setyembre 7, 2018.
Ang biktima mao si Ryan Orong Grafia, 35 anyos ug ka gabasero, molupyo ra usab sa nahisgutan nga barangay kinsa gitigbas ni Oliver Sasuman Bagsican, 52 anyos.
Base sa resulta sa imbistigasyon sa kapulisan sa lungsod sa Roxas pinaagi ni PO1 Ambrocio A. Dano Jr. ang person of interest hubog niadtong higayona sa dihang mihimo sa maong pagpanigbas ug sa walay daghang rason kalit lamang gitigbas abf biktima nga si Ryan, hinungdan nga maayong pagkalalap sa walang bahin sa iyang abaga.
Nakuha kang Oliver ang usa ka mahait nga sundang adunay gitas-on nga 22” lakip na ang sakuban niini.
Karong adlawa, dad-on na kini sa korte para sa pormal nga pagpasaka sa kaso may kalabot sa salaod nga iyang nabuhat sa miagingf mga adlaw.
