San Miguel, Surigao del Sur – Usa ka Mobile Computer Literacy (MCL) Training nga gitituluhan “Gabay Aral para sa Kabataang Lumad” ang opisyal nga gilunsad sa Lokal na panggamhanan sa Munisipyo sa San Miguel, Surigao del Sur sa pakigtimbayayong sa 36th Infantry (Valor) Battalion ilalum sa 402nd Infantry Brigade karung adlawa sa alas diyes sa takna sa kabuntagon, January 23, 2018 didtu sa San Miguel Gymnasium, Brgy Poblacion, San Miguel, Surigao del Sur. Ang Mobile Computer Literacy Training usa ka programa sa Philippine Army nga migamit og Mobile Computer Laboratory Van nga 40 foot kadk-on nga container van nga naay sulod 21 computer sets nga taas og teknolohiya. Magsuporta kini sa kasundaluhan sa paghatag og pagtagad sa kabatan-unang lumad ilabi na sa aspeto sa edukasyon ngadtu sa mga lagyong kumunidad. Sa pakig-alayon sa 36IB ngadtu sa lokal na pangamhanan sa munisipyo sa San Miguel kauban ang mga lain-laing ahensya sa DEPED, TESDA, NCIP, DOLE, SDSSU, DILG og PNP ug sa lain laing mga NGOs sama sa Rotary Club of Central Tandag, Alpha Phi Omega Tandag City og Humayanon Eagles Club of San Miguel, nahimong malamposon ang paglunsad sa maong proyekto inubanan sa tinguha sa programa nga dili lamang mahatagan og saktong kahibalo sa bag-ong teknolihiya sa computer kun dili makahatag og oportunidad nga mabag-o og mapalambo ang panginabuhian alang sa mga kabatan-unan ilabina ang mga lumad sa San Miguel niining probinsya. 42 ka estudyante ang miapil sa training gikan sa lain-laing barangay og mubenepsiyo sa kaalam sa pagdumala og computer sulod sa usa ka bulan ug mahatagan kini sila og TESDA certificate nga pwedeng magamit sa panarbahuan. Nasayran nga Gawas niini, dili lang mahuman sa training ang pag-alagad sa mga estudyante, mahatagan pa kini sila og higayon nga makabenepisyo sa lain laing oportunidad sa mga partner nga ahensya nga nikomitar sa maong proyekto. Matud ni Brigadier General Franco Nemesio M Gacal AFP, Commander sa 402nd Infantry Brigade og usa isab sa nitambong sa maong programa, gidaying nya ang mga ahensya sa gobyerno og NGOs nga naghatag og bili sa malamposong paglunsad sa MCL Training. Sa iyang mensahe, gihatagan niya og gibug-aton ang paglantaw sa mga kabatan-unan ilabina ang mga lumad. Pinaagi sa programa sa MCL, naglaom si BGEN GACAL nga sa paghatag sa oportunidad sa mga igsoong lumad, maoy mahimong dakong kalainan sa pagkab-ot sa kalinaw og pagpakgang batok sa daotang elemento susama sa CPP-NPA. Atol sab kang Lieutenant Colonel Xerxes A Trinidad, batalyun kumader sa 36IB nga maoy nagpasilitar sa maong programa, “atong gipadalit kining programa alang gayud sa atong igsoong mga lumad. Atung gilantaw ang kahimtang sa katawhang lumad nga sa dugay nga panahon nag-antos ubos sa kalisod ug sa kakulangon sa kaalam nga usa ka nahimong dakong rason nga nakasinaiti og exploytasyon ug manipulasyon ang katawhang lumad og nagpabilin nga kabos sa yutang kabilin”. “niining aspeto, nahatagan kami og kusog nga maningkamot nga makahatag ug libreng programa arun tinud-anay nga muuswag ug mulambo ang mga igsoong lumad. Pasalamaton kayo ta og dako kay ang MCL van niabot sa atung tugkaran ug mubuhat og kabaghuan sa kinabuhi sa mga igsoon natong lumad”. Panahon na nga kitang tanan mudawat sa reponsibilidad mahitungod sa problema sa insurhensiya. Kini ang panahon nga dawatun ug ipadalit ang panag-iya sa dugay na nga hagit nga nihasol sa mga kumunidad sa pila ka dekada. Tanan mupartisipar sa hiniusang panigkamot sa pagtukod og hapsay ug progresibo nga kumunidad, dugang ni Lt Colonel Trinindad. Sa kaulahiang mensahe ni Lt Colonel Trinidad, “nagpasalamat ako ug dako kauban ang tibook pwersa sa kasundaluhan sa 36IB ngadtu sa atong Lokal na panggamhanan sa Munisipyo sa San Miguel og sa mga laing lain nga mga ahensya sa gobyerno og NGOs nga nagtinabangay aron sa paghatag ug bili sa atong mga kabatan-unang lumad nga matagaan og sakto nga edukasyon pinaagi niining training. Kini usa ka pagpamatood nga kita na mga lumulopyo niining probinsya naglantaw sa kahimtang sa katawhan ug sa tumong nga madala ang atong gobyerno padool sa lagyong kumunidad. Manghianot mo nga ang inyung 36IB andam kanunay makig-alayon sa lokal na panggamhanan aron mapadayun ang kalinaw ug kalambuan diri sa probinsya sa Surigao del Sur. Sent from my Samsung Galaxy smartphone.
