Miani ug nagkadaiyang komento sa Facebook ang hulagway sa grupo sa mga batan-ong lalaki nga mihimo sa pagbinastos tungod mismo sa tulo ka mga krus didto sa Brgy. Anticala ning dakbayan sa Butuan.
Mokabat sa pito ka mga kalalakin-an ang makita sa hulagway nga gipost sa usa ka Prince Klient nga nagkanayon “Sikat na groupo sa sitio mahayahay anticala, Nag picture2x sa atubangan sa tulo ka crus na naapay naka hubad..Asa ang hustisya aning groupoha..”
Mayorya sa mga netizens ang misaway ug nagkanayon nga walay mga respito ang maong grupo ilabina nga karon gi-obserbar ang Semana Santa.
Lokal News:
Padayong gidagsa sa mga deboto ang Simbahang Katoliko sukad sa pagsugod sa pag-obserba sa semana santa niadtong Domingo, “Bendita sa Lukay.”
Samtang kagahapon nagtagbo ang mga kaparian, kamadrehan ug uban pang mga religious organization alang sa usa ka Chrism Mass ug renewal of vows.
Samtang alas sais unya, Martes Santo aduna ipahigayon nga renewal sa commitment sa Saint Joseph Cathedral sa tanang ministeries sama sa mga altar servers, lectors, lay ministers, Music Ministry, Youth Ministry, ushers ug uban pa sa simbahan.
