Nagpabilin sa gihapon nga dakung hagit kun challenge ngadto sa atong kasundaluhan nga padayong nakiggyera kontra sa Maute sa Marawi City ang pagsalbar sa mga bihag kun hostages nga gisakmit sa maong grupong extremista.
Segun kang Western Mindanao Command (WestMinCom) chief Lt. Gen. Carlito Galvez, 41 na ka mga cadaver ilang na-recover diin 15 niini gituhuang terorista wala pay labot sa duha ka mga foreign terrorists.
Dugang ni Galvez, gisuta usab sa ilang mga operatiba ang posibleng gilumluman sa mga Maute ug ISIS leaders sama ni Emir Isnilon Hapilon ug usab ila nang gisusi ang presensya sa mga armadong bando didtong dapita sa Balt Island sa Lanao del Sur area.
Ang Balt Island gipalibutan sa Lake Lanao ug gihulagway nga posibleng ‘escape route’ sa mga dautang elemento.
RadyoMan June Duterte
