General Santos City—Gikaalarma ni Police Supt. Roldan Daniel, Acting Chief sa Regional Civil Security Unit ang gamay nga ihap sa sa mga nagparenew ug lisensya sa ilang mga pusil sa rehiyon 12. Basi sa datus sa RCSU, sa rehiyon 12, adunay 32 mil ka mga armas apan anaa lang sa dul-an 8 mil ang nakaparehistro as of July 17, 2017.
Pasabot niini adunay kinatibuk-ang 24 mil kapin ka mga armas ang wala makarenew butang nga gikaalarma sa opisyal. Tungod niini, naghimo ug inisyatibo ang buhatan sa RCSU aron mas mapadali ang renewal sa gun license.
Aminado si Police Supt. Daniel nga hilabihan ka taas ang proseso sa pagrenew sa lisensya sa armas gumikan sa balaod ilawom sa R.A 10591 o comprehensive act of fire arms and ammunition.
Sa kasamangang proseso kinahanglang kompletuhon sa gun holder ang 10 ka mga rekositos usa na dinhi ang personal appearance, pagpailawom sa gun safety seminar ug daghan pang uban. Dugang pagbutyag ni Supt. Daniel nga aduna silay gitanyag karon nga gitawag ug Provisional License to own and possess fire arms kon Provisional LTOP ngadto sa mga gun holder.
Dinhi dili na kinahanglan nga mismong ang tag-iya sa pusil maoy murenew sa ilang mga armas. Mamahimong magpadala nalang sila ug representante dala ang ilang Identification card ug uban pang mga rekositos.
