Maayon, Capiz- Pilason ang isa ka persona makaligad ginlabo sang makapila ka beses sang mismo pakaisa sini ala una subong nga kaaganhon sa Brgy. Tapulang, Maayon, Capiz.
Ginkilala ang biktima kay Ronaldo Dizon y Dordas, 47-anyos ang pang-edaron kun sa diin nag-angkon sang mga kapilasan sa ulo, kamot kag iban pa nga parte sang lawas.
Ang ginatudlo nga suspek ang mismo pakaisa sini nga ginkilala kay Rex Falcis y Dizon, 38-anyos nga sa subong ang nakahunong na sa lock-up cell sang Maayon PNP nga insigi daman nga nadakpan sa bulig barangay officials sang amu nga barangay.
Suno sa imbestigasyon sang mga kapulisan sang Maayon, magka-upod man nga nagainum ang mga ini sang natabo ang insidente.
Ginapatihan nga nagbais ang mga ini sa wala pa matumod nga kabangdanan nga ginsundan sang pagkuha sang suspek sang espading kag hinali nga ginlabo ang biktima.
Narekober naman sang mga otoridad ang 21-pulgadas nga kahabaon sang espading.
© web photo
