Davao City – Napasaka na sa Toril Police Station ang kaso ngadto sa korte niadtong Lunes Oktobre 9, 2023 batok sa Gang member nga si Peter Madagat Zabala, 18 anyos, taga Toril Public Market, Davao City nga maoy midunggab sa menor de edad nga si alias Jojo, taga Fisherman Village, Lizada, Toril, dakbayan sa Davao.
Sa interview sa DXDC RMN Davao kang Police Captain Hazel Tuazon, Spokesperson sa DCPO gibutyag niini, kasong frustrated murder ilawom sa RA 7610 ang gipasakang kaso sa suspetsado.
Segun ni Tuazon, si Zabala ang gikasohan human nadakpan nga maoy midunggab sa biktima gamit ang icepick sa makaduha ka higayon sa biktima.
Gipasabot sa opisyal, gikinahanglan usab sa mga pulis ang tabang gikan sa komunidad, ilabi na kung adunay kagubot nga gikalambigitan sa mga batan-on nga i-report sa kapulisan aron mahatagan og action sa awtoridad.
RadyoMaN Don Pulayao
Facebook Comments
