![gangnam.jpg](https://i0.wp.com/rmn.ph/wp-content/uploads/2019/09/gangnam.jpg?resize=696%2C522&ssl=1)
Andam ibandera sa Butuan City Police Office (BCPO) ang mga “success stories” sa mga kanhi membro sa Gang kinsa nareporma ang kaugalingon human nipailalum sa training sa Technical Education Skills Development Authority (TESDA) ubos sa Project Gang NAM.
Pamahayag ni P/Capt. Emmerson Alipit, spokesman sa BCPO nga anaay listahan ang kapulisan sa mga kanhi membro sa Gang ang karon nakatrabaho na gamit ang nakat-onan sa technical nga pagbansay sa TESDA.
Pipila kanila nahimu nang welder, mekaniko, driver ug uban pa’ng dissenting trabaho ug sila pa mismo maoy nag-ingganyo sa ilang mga kauban sa Gang nga mopailalum sa laing hugna sa Project Gang NAM.
Aminado si P/Capt. Alipit nga nadugangan ang trabaho sa pulis apan dili malikayan ilabina kay nakaapekto man sa kahusay ug kalinaw sa dakbayan sa Butuan ang presensya sa mga Gang.
Ang Project Gang NAM maoy inisyatiba ni P/Col. Albert Magno aron masumpo ang problema sa Gang ning syudad nga kanunay malambigit sa kagubot sa halos matag gabie nga tanan.
photo credit hon. burdeous [image: gangnam.jpg]