General Santos City- Maghatag ug P100,000.00 nga ganti ang lokal nga panggamhanan sa syudad sa Koronadal alang sa makahatag ug impormasyon bahin sa mga suspek sa pagbusikad sa Improvised Explosive Device kon IED sa syudad niadotng adlawng Domingo.
Mismong si Koronadal City Mayor Peter Miguel ang nag-anunsyo nga maggahin ug salapi ang lokal nga panggamhanan sa Koronadal aron nga makatabang sa pagresolba sa nahitabong pagpamomba sa ilang lugar.
Gipaniguro usab sa Mayor nga dili nila lung-an hangtud nga dili mailhan ang mga suspek sa maong krimen. Samtang nagpadayon usab ang ilang gihimong mga lakang aron nga magpabilin ang kahapsay ug kalinaw sa ilang syudad.
Dili matud pa nila tugutan nga yano lang hasion ang malinawon nilang lugar niining mga tawong walay mahimo kon dili magmugna ug kasamok.
