Sapon sa buy bust operation sa kapolisan sa El Salvador City sa Misamis Oriental ang usa ka 50 anyos nga lalaki nga nagbaligya sa illegal nga druga.
Matud ni Chief Inspector Randy Anito, Officer In- charge sa El Salvador City Police station nga ang suspek mao si Jerry Lauga nga taga Zone 8 sa Barangay Mulogan.
Mga alas 9:45 sa gabi-e niadtong Domingo ang kapolisan sa El Salvador City naglunsad sa drug buy bust operation sa Zone 7 sa barangay Mulogan nga niresulta sa pagkasikop sa maong suspek.
Nakuha sa mga otoridad gikan sa maong suspek ang duha ka pakete nga illegal drugs, kwarta nga 1,520 pesos, cellphone ug lighter.
Ang maong suspek gi-detain sa El Salvador City Police Station ug karong adlawa gikatakda nga pasaka-an na kini og kasong drug pushing.
-o0o-
By: RadyoMaN Nitz Arancon
