Gipasakaan na og duha ka kasong pagpangawat ang usa ka lalaking nakuhaan og motorsiklo nga walay mga papeles.
Nasikop sa kapulisan sa Cogon sa ngitngit nga bahin sa Limket kai Center niadtong Sabado sa gabie si Danilo Sagrado, 26 anyos, minyo nga taga Relocation Site, Calaanan, Canitoan ning syudad sa Cagayan de Oro.
Gibutyag ni Cogon Police Station Commander Harvey Abellanosa nga ilang giturn-over ang suspek sa Agora Police Station kay nahitabo ang kawat sa ilang Area of Responsibility.
Samtang matud ni Agora Police Station Commander Allan Curato nga usa ka estudyante nga si Ronel Tapulgo ang nagkapakitabang sa ilang buhatan human mawala ang iyang motorsiklo sa gawas sa University of Science and Technology in Southern Philippines sa Barangay Lapasan.
Positibong motorsiklo sa biktima ang nakuha gikan sa nasikop nga si Sagrado.
Sa gihimong follow-up operation sa kapulisan narecover ang laing duha ka motorsiklo sa tagoanan sa suspek sa PN Roa Barangay Canitoan ning syudad ug sa Kimaya, Opol, Misamis Oriental.
By: RadyoMaN Annaliza Amontos-Reyes
PC: Cogon and Agora Police Station
