ILOILO – Ginpasiguro ni first district Congressman Richard Garin nga bug-os sa gihapon ang suporta sang ila pamilya kay Governor Arthur Defensor, Sr.
Ini apisar sang ginpahayag sini nga daw kaangay lamang nga ginakalimtan na sila sang gobernador .
Ang pahayag ginhimo ni Congressman Garin bilang reaksyon sa indi pag-imbitar sa iya sa duha ka magkasunod nga sinapol sang gobernador kag iban nga mga kongresista sa probinsya sang Iloilo.
“The Garin’s are always with the Defensor. Amo lang na galing kon kaisa kay nagalakat ang panahon kon kaisa nagakalipat man kita. Kon kaisa kon nagadugang man bala edad ta nagakalipat man kita kay damo man sang ginainchindi ta. So, kami ya always support to Gov Art Defensor. Wala na ya nagatahaw,” ang pahayag ni Congressman Richard Garin sa interview sang RMN Iloilo.
Samtang, ginapahanumdum man ni Congressman Garin nga kon anuman ang ginhambalan sa nasambit nga sinapol ilabi na kon para sa kaayuhan sang mga pumuluyo sa probinsya, indi man suno sa iya pag-isikway ang first district nga isa man ka mayor nga bahin sang probinsya.
“It’s either politics or development parte sa banwa, remind ta lang man ang iban [eh] nga hindi man pag-isikway because first district is also part… and major part of the province of Iloilo,” ang dugang nga pahayag ni Garin.
Facebook Comments
