Alang sa atoang TRAVEL GOLS atoang share ang extraordinary experience ni Dj Boy Kirat sa ilang pagbisita sa nabantog nga turtle-shape nga Carnaza Island.
BOY KIRAT’S JOURNEY
Kining maong isla nasakop pa kini sa lungsod sa Daan Bantayan, Cebu. Naa kini mahimutang sa tumoy nga bahin sa amihanan.
Para maabot ang lugar kinahanglan nga mosakay og bus gikan Cebu North Bus Terminal padung sa Maya. Apan ingnaon lang ninyo ang bus driver o konduktor nga sa Tapilon Port mo pa-drop. Mukabat og halos 4 ka oras ang biyahe gikan sa siyudad padung dinhi.
TAPILON PORT: Gateway Padung Sa Carnaza
Mas labing maayo nga sayo mugikan sa maong pantalan. Gamay kini nga pantalan og dili pa developed. Apan anaay tindahan nga pwedeng kakaon ug mu-offer pa gane sila og lugar para katukoran sa inyong tent. Dili man hinuon mahal ang plete sa bangka padung sa isla. Mukabat og 2 ka-oras ang sea travel.
CARNAZA ECO PARK: Para sa mga Nature Lovers
Gipanag-iya kini sa mga Osmeña. Anaay mga ka-stayhan sa maong eco park. Anindot pud ang view ug naa pay lagoon/lake. Luwas ra man pud kini bisan pa nga ang kuryente gikan ra sa buntag hangtud sa alas 10 sa gabii. For sure daghan na ang nakadungog sa mala-paraiso nga view sa maong eco park. Affordable ra pud ang area.
CARNAZA COMMUNITY: Nanginahanglan sa Inyong Gasa
Unang higayon nga mitaak ko sa maong isla tungod ra pud sa outreach program nga gipasiugdahan sa mga magbarkada nga gustong mutabang sa culminating activity sa catechism sa maong lugar niadtong summer.
Nitabang ang akoang mama ug pipila ka hegala para makapadala og mga canned goods ug mga items para sa mga bata. Ug didto pud nakita nako nga bisan known ang Carnaza Island isip destination, nanghinaot ko nga kining maong article magsilbing pahinumdom ninyo sa panginahanglanon sa maong isla.
Hinaot pa nga daghan pa nga mga grupo o organization ang mubisita didto ug muhatag og pahalipay sa mga bata. Para coordination pwede ra mo nga mo-PM nako —– Boykirat Ifm.
