Bacolod City – Lalaki nga nagasakay sa traysikol, nadakpan matapos nasiplatan sang pulis nga may ginasukbit nga armas sa Lopez-Jaena Burgos Sts, Brgy. 27, Bacolod City.
Manugpa-uli na kuntani sa syudad sang Silay ang pulis nga assigned sa Bacolod City Mobile Force Company nga si P03 Anthony Lopez sakay sang iya motorsiklo sang iya naman matalupangdan nga ang pasahero sang traysikol nga iya gina-sundan ang may yara sang ginasukbit nga armas.
Ginpalipatan naman ni PO3 Lopez ang lalaki kag gilayon nga gin-confiscate ang armas sang suspek nga na-identify naman nga si Ernie de Asis, residente sang Brgy. 27, syudad sang Bacolod.
Narecover sang pulis sa possession ni De Asis ang isa ka calibre 38 nga revolver kag may lima ka bala, isa ka sachet sang suspected shabu, improvised tooter kag mga drug paraphernalia.
Ang suspek sa karon nga detained sa Police Station 4. (Police Station 3 photo /not the actual photo)
