Guipos, Zamboanga del Sur – Mokapin sa usa ka gatos ka mga tag-as ug mugbo nga kalibre sa armas ang boluntaryong gitahan sa mga residente sa unom ka lungsod sa probinsya sa Zamboanga del Sur isip kabahin sa Balik Baril Program sa gobyerno.
Moabot sa 122 ka mga armas ang gitahan sa mga residente gikan sa lain-laing barangay.
Lakip nga nitahan sa ilang mga armas ang tulo ka barangay kapitan gikan sa lungsod Tigbao nga sila si Jaime Ulo, Armado Bucog ug Manolito Villapas.
Sigon ni 53rd Infantry Battalion Commander Lt. Col Marlowe Patria, makatabang kining maong lakang sa pagpatahan sa mga armas alang sa pagpabilin sa kalinaw sa lugar.
Programa matud pa kini aron malikay sa kagubot apan amindo si Patria nga daghan gihapong mga loose firearms ang kinihanglan itahan sa mga residente.
Nitambong usab sa turnover ceremony sa mga armas si PNP Provincial Director Pssupt. John Guyguyon nga naglaom nga maagda pa ang pipila ka munisipyo nga motahan sa mga armas uban sa tabang sa LGU Officials.
