Nagmalampuson ang gihimong General Assembly sa gatusan ka Barangay Population Volunteers kagahapong adlawa sa kapitolyo probinsiyal.
Atol sa maong adlaw, gitunol ni Misamis Oriental Governor Bambi Emano ang tag 50 mil pesos ngadto sa matag lungsod nga ilang girepresentahan.
Kini aron dunay magamit nga kapangitaan o livelihood program.
Samtang giklaro ni Governor Bambi Emano nga moagi pa sa daghang training ang mga Barangay Population Volunteers, ayha sila maka-avail sa livelihood program nga gitunol niini.
Kini ang tubag ni Governor Emano, human maguol ang Barangay Population Volunteers nga basen mahanaw lamang sa kalit ang maong kantidad, kon dili mamaayo og pagdumala.
Apan matud ni Governor Emano, nga kinahanglan makatuon sila kung unsaon pagdumala ang ilang pundo, aron nga dili kini mahisama sa bola, nga mapadpad lamang sa hangin ug mahanaw.
