Gipahibalo ni Former PNP chief Ronald Bato Dela Rosa nga wala niya gilantaw ang partidong gigikanan sa kandidatong iyang ituboy alang sa 2019 midterm elections.
Sa interview sa dxCC RMN ngadto kang Bato atol sa pagbisita niini dinhi sa siyudad kagabie, iyang gibutyag nga bisan kinsa na lang ang iyang nadoolan nga mga kandidato dinhi sa siyudad apan wala na niini gilantaw kung kauban ba niya sa partido o sa pikas nga pundok.
Giangkon ni Bato nga wala siyay hanaw sa natad sa politika apan wala kini magpasabot nga dili niya tarungon pag abi-abi ang katawhan ilabina sa mga nagpapili alang sa umaabot nga eleksyon.
Usa sa nakapaaghat kang Bato nga magpapili pagka-senador mao ang pagpadayun sa gisugdan niining kampanya batok illegal nga droga.
Facebook Comments
