Nagresulta sa pagpapana-og sang 90 days preventive suspension sang board of directors sa General Manager sang Manapla Water District nga si Jane Beth Besuena.
Suno kay Mario Yogore isa sa mga board of directors nga kaina January 9, 2020 las 8:55 sang aga sang buot ini magsulod sa iya opesina ginsugata ini sya sang suspension order pero nag refuse sa pagbaton sa baylo nagrekta sa police station kag nag pa-blotter.
Sa karon gin-designate sang board bilang OIC General Manager amo si Mimi Batayola sa sulod sang 90 days tubtob ma hitso ang problema sa mga officials sang water district.
Ang suspension order nag ugat sang ginpa approve ni general manager Jane Beth Besuena sa board ang budget sa 2020 pero wala gin approve sa gilayon sa rason may gusto pa kuntani e-clarify ang board kag financial report sang 2019 pero wala ini mag atubang.
Bangud sini si Besuena nagpa-recorida sa bilog nga banwa sang Manapla sa pagpahibalo sa mga consumer members nga madula ang water supply tungod wala gin approved sang board ang budget. Kag diri naman nag ugat ang legal action ginhimo sang board sa pag suspend sa general manager sang Manapla Water District.
[image: image.png]
