General Santos City— Gipaklaro ni Gensan City Mayor Ronnel Rivera nga hugot ang ilahang ginahimo nga pag-monitor sa kampanya batok illegal nga droga hilabina nga gibalik na ang war on drugs sa kapulisan.
Sumala sa Mayor nga basi sa datus nga gihatag sa Gensan City Police Office, maayo ang dagan sa kampanya batok illegal nga droga kung asa anaa ang pagtinabangay sa kapulisna ug mga opisyal sa barangay.
Pagpaklaro niya nga sila sa lokal nga panggamhanan ilahang mas ginahatagan ug pagtagad ang pagpalikay sa paggamit ug illegal nga droga inay nga pagpakunhod sa suplay.
Gidayeg man usab niini ang Gensan City Police Office gumikan gikan sa 180 nga target sa oplan tokhang, mukabat na sa 99 ang mga misurender samtang 17 na ang naaresto basi sa datus milabay’ng semana..
Pamahayag niini nga target gyud mao ang mapakusgan ang pagbatok sa illegal nga droga rason nga ilaha pang mas ginapakusgan ang community based drug rehab program alang sa mga mild ug moderate nga mga drug dependent.
Lakip matud pa sa ilahang ginatutukan mao ang purok laban sa krimen ug likay droga program uban ang mga out of school youth.
