General Santos City— Giangkon ni Police Senior Superintendent Raul Supiter, City Director sa Gensan City Police Office nga aduna gyu’y mga dagkong lambigit sa illegal nga nadakpan sa dakbayan sa Gensan basi na usab sa datus nga ilahang gihuptan.
Sumala niya nga base sa datus, aduna gyu’y dakong market sa droga ang dakbayan gumikan usa kini sa mga dagkong syudad sa rehiyon.
Pamahayag niya nga gawas sa halapad nga mga entry ug exit point, anaa usab ang lapad nga coastal area sa Sarangani Bay nga mamahimong gamiton aron sa pagpasulod ug droga.
Dugang pamahayag ni PSSupt. Supiter nga gawas sa droga, duna na usab mga insidente kaniadto nga ginahimong agianan ang Sarangani Bay aron sa pagpasulod ug eksplosibo ingon man ga illegal nga ontrabando.
Gani nangayo na sila ug dugang suporta sa lokal nga panggahanan aron nga makapalit ug dugang water assets aron magamit sa pagpatrolya sa kadagatan.
Saysay niya nga kinahanglan gyud nga pakusgan ang pagbantay sa siguridad sa dakbayan aron nga masigurong dili malutsan rason nga gipangbutangan ug CCTV camera ang mga checkpoint area.
