General Santos City–Mokabat na sa kapin kon kulang 12-mil ang mga testing kits nga available sa Dr. Jorge P Royeca Hosptial para sa molecular laboratory nga gamiton para sa testing sa covid 19.
Nasayran nga nadungagan ug 5-mil ang testing kits sa syudad human mihatag ang National task force. Kini ang gibutyag ni Dr. Ryan Aplicador, Hospital Chief sa DJPRH ug sumala niini nga dako kining tabang ug sa kasamtangan masulti niini nga aduna gyuy igong testing kits ang Gensan.
Gani nagsugod na kagahapong adlawa ang paggamit sa molecular laboratory pinagi sa 25 ka mga specimen ug gilaumang mogawas ang resulta karong buntag. Dugang pamahayag Dr. Aplicador nga bisan ug dili DOH funded Molecular Laboratory sa Gensan, nauna na matud pang nihatag ug commitment si Gensan City Mayor Ronnel Rivera nga abli sa tibuok rehiyon ang maong laboratoryo.
Apan sa karon, mas hatagan una nila ug pagtagad ang testing capacity sa Gensan gumikan daghan pa ang mga naka-isolate nga wala napa-ilalom sa swab testing tungod sa kulangan sa mga cartridge sa genexpert. Pagpaklaro ni Dr. Aplicador nga ang laboratoryo sa Dr. Jorge Hospital maoy pinaka-unang Rt-PCR Lab sa Rehiyon 12.
Kalabot niini, gibutyag ni Dr. Aplicador nga tungod symptoms base ang ginahimo sa pagpa-ilalom sa swab test, nitaas gyud ang positivity rate sa dakbayan. Apan kung tanang contact sa mga naga-positibo sa covid 19 ang mapa-ilalom sa swab test, taas usab ang mamahimong negativity rate sa Gensan. Saysay niya nga bisan sa nasyunal, adunay taas nga negativity rate tungod halos tanan ang ginapa-ilalom na sa swab testing ug adunay negatibong resulta.
