*General Santos City— Nagpabiling negatibo ang dakbayan sa gensan sa African Swine Fever. Kini ang gibutyag ni Rex Calub, officer in charge sa City Veterinarian’s Office.*
*Sumala niya nga padayon ang mga checkpoint sa mga strategic area sa Gensan aron masigurong dili makalusot ang mga karneng baboy ug uban pang related products subay sa executive order nga gipagawas ni Gensan City Mayor Ronnel Rivera.*
*Sa karon matud pa, dili pa niya masulti kung positibo sa ASF ang mga karneng baboy nga ilahang gipangsunog nga nauna ng nakumpiska sa checkpoint.*
*Dugang pamahayag ni Calub nga sa milbay’ng adlaw nga sabado adunay mga nakumpiska nga karneng baboy ug ubang mga produkto gikan sa syudad sa Davao sa checkpoint nga nahimutang sa Brgy. Tinagacan ning dakbayan.*
*Gipaniguro man usab niya nga tanang karne nga ginabaligya sa merkado ug mga mall ang gi-ihaw sa slaughter house ug walay nakalusot gikan sa ubang dapit gawas sa gensan.*
*Saysay niya nga adunay mga meat inspector nga naga-libot buntag-hapon aron nga masiguro nga presko ang mga karneng ginabaligya.*
