General Santos City— Aduna matud pay pundo nga gigahin ang dakbayan sa Gensan alang sa bakuna kontra Covid 19.
Sumala ni Gensan IATF Deputy Commander Dr. Ryan Aplicador nga aduna nay gigahin nga pondo ang syudad sa Gensan nga pangpalit sa Covid Vaccine sa tuig 2021. Dugang ni Dr. Aplicador nga mismo si Gensan City Mayor Ronnel Rivera ang nagbutyag nga dunay kwarta nga gigahin ang dakbayan aron ipalit ug covid vaccine kon ugaling man nga available na kini sa nasud.
Dugang pa ni Dr. Aplicador nga gibutyag kini sa Mayor atol sa pagbisita ni Vaccine Zchar Sec.Carlito Galvez sa Gensan human nga mitaas ang kaso sa covid 19 nga nag-gikan matud pa sa fishport niadtong milabay nga mga bulan. Usa matud pa sa rason nganong hatagan ug prayoridad ni Sec. Galvez ang Gensan sa Covid Vaccine tungod nakahibalo na kini nga andam ang syudad nga mopalit sa maong bakuna.
Gipaklaro ni Dr.Aplicador nga sa panahon nga available na ang covid vaccine sa Gensan una niini nga mahatagan mao ang mga frontliners gikan sa Medical, PNP ug uban pa apan kung daghan ang available sa maong bakuna pwede maka avail niini ang tanang katawhan sa Gensan.(RV)
