General Santos City—Mapasalamaton karon si Fire Chief Inspector Reginald Legaste- ang labaw sa Gensan City Fire Office nga walay natalang sunog atol sa pagsugat sa bag-ong tuig dinhi sa dakbayan sa Heneral Santos.
Kini sukwahi sa ubang mga lugar sa tibuok nasud Pilipinas nga dunay mga nahitabong sunog. Matud ni Legaste nga base sa ilang ulahing monitoring walay insidente sa sunog sa pagsulod sa tuig 2018.
Dako usab ang pagpasalamat ni Chief Inspector Legaste nga bisan pa man dunay mga nagpalupad ug mga fire works sa pagsugat sa bag-ong tuig apan wala kjini nahimong rason nga dunay natigayong sunog.
Hinuon dunay natala sa ilang buhatan nga nangayo ug tabang particular ang pagtugpa sa kwetis sa atop sa Hybrid Train sa syudad apan gilayon nilang kining girespondihan. Swerte usab nga wala makamugna ug sunog ang pagtugpa sa maong kwetis. (Jordan Britos)
