GI-HOLD|Indonesian National nga Expired ang passport-gihold

10

General Santos City—Gihold sa Awtoridad ang usa ka Indonesia National human nga nasuta nga expired ang Indonesian Passport niini.

Una nang na-intercept sa mga sundalo ang Indonesian National nga si Jimi Laumbur Pareda, mananagat, sa sea port sa Glan, Sarangani niadtong nakalabayng adlaw.

Nasayran nga sakay sa usa ka bangka ang nasangpit gikan sa nasud Indonesia uban ang tulo pa ka mga pinoy, apan siya gihold human nasuta nga expired na ang iyang Pasaporte.

Gilayon usab nga giturn over sa kasundaluhan si Jimi sa Bureau of Immigration.

Sumala ni Jimi nga nagsara ang iyang gitrabahuan nga fishing company nga gipanag-iyahan sa usa ka dakong negusyante sa panagatan nga taga Gensan nga nakabase didto sa nasud Indonesia.

Buot lang unta niyang mahidangat sa Gensan aron nga bisitahon ang iyang ginikanan nga anaa sa barangay Bawing Gensan. Nasayran nga dugay na nga nagpuyo sa Gensan ang mga ginikanan sa maong Indonesian national ug gani dinhi na kini gianak sa syudad.

Sa karon ang nasangpit, anaa sa kustudiya sa Police Sation 1 human mihangyo ang BI nga dinhi lang una kini ikustudiya gumikan wala silay pasilidad nga kabutangan kaniya.

Facebook Comments