General Santos City–Aduna nay bag-ong labaw ang Philippine Drug Enforcement Agency -12 human nga na-relieve sa iyahang pwesto ang kanhing labaw sa maong buhatan nga si Dir. Valente Cariño.
Sumala ni Kath Abad, Spokesperson sa PDEA_12 nga mihulip kang Dir. Cariño mao si Dir. Naravy Daquiatan nga naggikan sa PDEA Regional Office-11 isip usa ka chief of operation, samtang nibalik sa PDEA National headquarter si Dir. Valente Cariño.
Dugang pa ni Kath Abad nga niadtong adlaw nga Lunes, July 9, nakadawat nalang sila ug relieve order gikan sa National Headquarter nga hulipan na ang ilang labaw. Wala usab sila nasayod sa hinungdan sa pagrelieve kang Cariño.
Hinuon giklaro ni Abad nga normal ra sa PDEA ang balasahan sa ilang mga opisyal. (Dave Silagan)
