Patay nang nakit-an sulod sa Quarter sa Kalipay Hall sa Camp Alagar ang usa ka pulis nga sakop sa Police Regional Office o PRO 10.
Kini mao si PO1 Jungy Aranza, 33 anyos, minyo nga taga Zone 10, Barangay Carmen ning syudad sa Cagayan de Oro.
Matud ni PRO 10 Spokesperson Lemuel Gonda nga sa inisyal nga imbestigasyon, mga alas dos sa kadlawon, gipukaw sa iyang kauban si PO1 Aranza aron mopuli sa pagduty apan wala na kini nakamata.
Gidala ang maong pulis sa Capitol University Medical Center apan gideklarang patay nang niabot sa maong ospital.
Nakatakdang ipa-ubos sa autopsy ang patayng lawas ni PO1 Aranza nga naa karon sa Cosmopolitan Funeral Home aron masayran ang hinungdan sa iyang kamatayon.
Facebook Comments
