General Santos City—Kulatado ang usa ka 18 anyos nga nganlan lang ug alias Ramil, residenti sa Barangay Lunpadidu, Malapatan, Sarangani Province human iyang gisuwasyan, uban sa duha pa niya ka kaubanan nga tulison ang wala nganling biktima atubangan sa usa ka Estableshemento sa may Salazar Street, Barangay South, Gensan.
Sa report nga nahagpat sa RMN Gensan News Team, nagbaktas ang biktima dihang kalit lang kining giduol sa suspek uban ang duha pa niini ka kauban dayon ilang gitiunan ug buak nga botelya ang biktima dungan sa pagdeklara ug tulis.
Apan nakabantay dayon ang biktima ug nakasukol ngadto sa mga suspek, nakapangayo dayon kini ug tabang sa mga bystander sa lugar mao nga inay siya ang masamdan, ang suspek na nuon ang nakaangkon ug mga bun-og ug samad human nakulatahan. Samtang duha ka kauban sa suspek ang paspas nga nakasibat.
Sa karon ang 18 anyos nga suspek balhog sa silda sa Police Station 1.
