General Santos City—Samdan ang usa ka Anuar Sulang, 38, driver, residenti sa Palimbang, Sultan Kudarat human nga giambush sa wala pa mailhing mga suspek sa National highway nga sakop sa Barangay Penol, Maitum, Sarangani Province.
Subay sa report sa Maitum PNP nasuta nga alas 6:30 ang takna sa buntag sa nakalabayng adlaw samtang sakay ang biktima sa gimanihuan niining Isuzu Truck uban sa mga kauban niini nga silang Nur Alid ug Esmael Abdulah padulong sa Maitum, pag abot sa may Barangay Penol, kalit lang silang gipaulanan ug bala sa wala mailhing mga suspek. Igo si Sulang sa iyang paa.
Bisan paman nga samdan nagpadayon sa pagpadagan sa iyang sakyanan si Sulang hangtod nga sila nakapangayog tabang sa tropa sa Regional Mobile Force Battalion nga nakabase sa maong lugar.
Daling gidala sa opsital ang biktima human sa insidenti samtang padayon pa ang gihimong imbistigasyon sa kapulisan aron sayron kinsay responsabli sa maong pagpamanhig.
