General Santos City–Gipaklaro ni Police Chief Superintendent Marcelo Morales, Regional Director sa Police Regional Office 12 nga nag-file ug leave si Police Senior Inspector Jake Mutalib, hepe sa Maitum Municipal Police Station human kining mapagawsan ug Warrant Of Arrest sa kasong murder.
Sumala niya nga iyaha ng nahatagan ug direktiba si Police Senior Superintendent Abu Kyer Macalangcom, Provincial Director sa Sarangani Provincial Police Office nga pasurenderon ang nasangpit nga opisyal.
Kini aron mahatagan ug higayon nga depensahan ang iyahang kaugalingon gumikan sa kasong murder nga iyahang gi-atubang.
Nasayran nga una nang gipasakaan ug kaso si PSI Mutalib sa pamilya sa usa ka drug suspek kansa namatay sa operasyon sa Regional Drug Enforcement Unit sa area sa Polomolok niadtong bulan sa Disyembre, 2017.
Gikatingala lang ni Gen. Morales nganong apil gipasakaan ug kaso si MUtalib nga wala man kini nakauban dihang gihimo sa RPDEU ang operasyon batok sa suspek.
