General Santos City—Bun-og sa iyang bitiis ang naangkon sa 18 anyos nga estudyante human nga gibunalan ug PBC Pipe sa principal sa ilang Eskwelahan sa Barangay Tinacagan, Gensan.
Biktima giilang si Moccasirin Gubang, 19, residenti sa Purok 16, Barangay Tinagacan, Gensan.
Subay sa record sa Dr. Jorge Royeca Hospital nasuta nga ala 1:30 sa hapon kagahapong adlawa dihang gibunalan kini ug PBC Pipe sa wala nganling Principal sa Datu Andiam Mansa National Highschool.
Nasayran nga na-late ang biktima uban sa lima pa niini ka mga kaubanang estudyante sa ilang klase human nalingaw ug dula sa ilang lugar.
Tungod niini nasuko matud pa ang principal mao nga sila gipalinya dayon usa-usa nga gibunalan ug PBC Pipe.
Alas 7:15 na sa gabie dihang gidala sa Dr. Jorge Royeca Hospital ang batan-on human nga mihubag ang iyang bitiis nga naigo sa PBC Pipe.
Base sa impormasyon buot ireklamo sa ginikanan sa biktima ang principal sa eskwelahan nga namunal sa ilang anak. Wala silay pagsupak nga desiplinahon ang ilang anak gumikan kini nakasala ang ilaha lang nga unta dili lang pasakitan.
