Padayong mikunhod ang gidaghanon sa mga binilanggo o Persons Deprived of Liberty sa Cagayan de Oro City Jail – Male Dormitory.
Kini ang malipayong gipahibalo ni City Jail Warden, Supt. Erwin Kenny Ronquillo.
Matud ni Supt. Ronquillo nga niadtong bulan sa Enero ning tuiga, niabot sa 2,800 ang mga binilanggo apan karon naa na lamang kini sa 1,800.
Gipasabot niini nga ang hinungdan sa pag-ubos sa gidaghanon sa mga priso mao ang pagpailawom sa mga binilanggo sa pribilihiyo sa plea bargain nga gipatuman sa korte suprema sa mga kaso nga dunay kalambigitan sa druga.
Gidugang ni Supt. Ronquillo nga sa karon 79% sa kaso sa mga priso sa City Jail-male dormitory drug related.
Facebook Comments
